屬於你班friend的
麻雀排行榜
記低每場輸贏，自動更新排行榜、走勢圖同數據分析。平時同班friend開枱/搞麻雀比賽都得，睇下邊個先係真正嘅麻將大俠。
三步搞掂
成班friend開本數簿
每次打牌都有record
免費、免登入，支援廣東麻雀同港式台牌。可以逐鋪記數，亦可以記低每場最終輸贏，排行榜、走勢同對戰紀錄自動計好。
開個房間
改個名，撳一下就有。唔使註冊、唔使密碼。
Share條link
房間號碼就係地址，喺WhatsApp group貼一次就得。
每場記低個數
邊個記都得，條數要平衡先入到簿。其他人一開就見到。
功能
你負責打牌 數簿負責計數
一場一張單
揀日期、揀雀友，入低每人贏定輸幾多。
排行榜自動計
邊個累積贏最多、邊個一路輸緊，一開就見。
走勢圖
每個雀友一條線，一場一場咁行。邊個近排狀態好、邊個跌緊落去，一眼睇晒。
隻揪紀錄
你對住邊個贏得最多、邊個係你剋星，逐對計得清清楚楚。
分享戰績圖
埋單自動出張戰績卡，一撳share落雀友group晒命。
點解唔用群組notes、唔用Excel？
唔使登入
冇密碼、冇註冊，條link就係鎖匙。
唔使download App
瀏覽器開就用得，電話電腦都一樣。
即時同步
一個人記數，全房即刻見到，唔使screenshot嚟screenshot去。
數口永遠平
每場總數要係零先儲到，唔會愈記愈亂。
中英文
每部機自己揀語言，唔影響其他雀友。
免費開始
免費用到10位雀友，冇廣告。人多先升級。
常見問題
麻雀數簿係咩嚟？
一本麻雀數簿：記低雀局每場邊個贏幾多輸幾多，排行榜、走勢同隻揪紀錄會自動計出嚟。可以開枱逐鋪記，亦可以打完成場先直接記低總數。
使唔使錢？使唔使登入？
免費開始，冇廣告。免費房間最多10位雀友；人多過咁，或者想睇隻揪分析，可以將該房間升級至Pro，每房US$12.99／月，年費計每月US$7.99。唔使註冊、唔使密碼：開個房間，將條link share俾雀友就用得。
邊個睇到我哋啲數？
有條link嘅人先睇到。房間號碼就係地址，唔會公開列出嚟，搜尋器亦唔會收錄房間。當條link係鎖匙咁看待就得。
支援邊種麻雀？
廣東麻雀同港式台牌都得，每場記埋打邊種，可以分開睇成績。其實只要每場計到每人贏輸幾多，乜章法都記到。
記錯咗點算？
每一場都可以改、可以刪。條數唔平衡（唔係零和）根本入唔到簿。
啲數儲喺邊度？
喺雲端資料庫，全房共用，換電話都唔會唔見咗。
至少要幾多人先記到？
一場至少四個人，因為席位中途會換手。人多開幾圍都一樣記到。
可唔可以攞嚟搞麻雀比賽？
得，有兩種用法。長期聯賽開個房俾成個比賽用，每輪成績照記，排行榜就係即時賽果榜；一日賽去 mahjonglogbook.com/tournament 開個比賽（beta），揀賽制、貼名單，自動編枱、逐枱入分、排名即時投影。
今晚打牌前 開定本數簿
免費，唔使download，三十秒搞掂。
