中麻雀數簿

港式台牌點樣計分？

台牌計分麻煩位喺拉數：贏咗唔即刻找，一路拉住落去，邊個拉緊邊個、幾多口，好易亂。麻雀數簿識呢套玩法：逐鋪記，番數、莊番、拉數自動計，埋單先一次過結清。唔想咁仔細，直接記低每晚最終輸贏都得。免費、免登入。

唔使註冊，開個房間就用得。想先睇吓？入示範房間。

點樣用

1. 開個房間，種類㨂台牌，起糊、滿糊、辣上照你哋枱規設定。
2. 條link貼落WhatsApp group，成班雀友用同一本簿。
3. 開枱逐鋪記，或者打完成晚先入總數。

逐鋪記：拉數自動計

逐鋪撳邊個食糊、幾多番，出銃定自摸（台牌自摸三家各付）。糊數唔即刻結，自動變成拉數：本簿逐口記住邊個拉緊邊個、拉咗幾多，踢半、三口斬拉都照規矩處理。詐糊、一炮多響都有得記，記錯可以還原上一鋪。

莊番自動跟

連莊嘅莊番會自動跟落每鋪嘅計法度，家陣莊咗幾多番唔使靠人腦記，條數點嚟每鋪都寫得清清楚楚。

埋單一次過結

打完撳埋單，未結嘅拉數同成晚嘅糊數一齊清算，每人贏輸幾多即刻出嚟，自動入落數簿，唔使圍住張枱逐條數拗。

唔想逐鋪記？記總數都得

有啲枱鍾意自己心算，打完先埋數。咁就直接入每人當晚贏輸幾多：條數唔平衡（唔係零和）入唔到簿，所以唔會計漏。

長期戰績自動有

每晚記低咗，排行榜即刻更新，走勢圖一人一條線，仲有對戰紀錄睇邊個剋邊個。台牌枱同廣東枱可以喺同一本簿分開睇成績。

常見問題

你哋枱打開廣東牌？廣東麻雀計分另有一頁講。