中麻雀數簿

廣東麻雀點樣記數？

麻雀數簿係一個免費、免登入嘅麻雀計分網站，支援廣東麻雀逐鋪記數，同時可以直接記錄整晚最終輸贏。逐鋪記嘅話，番數自動計錢；記總數嘅話，條數要平衡先入到簿。排行榜、走勢同對戰紀錄都會自動計好。

唔使註冊，開個房間就用得。想先睇吓？入示範房間。

點樣用

1. 開個房間，改個名，唔使密碼。
2. 將條link貼落WhatsApp group，成班雀友用同一本簿。
3. 每次開枱，逐鋪記或者打完先記總數，邊個記都得。

逐鋪記數，番數自動計錢

開枱模式係為想睇住盤數打嘅枱而設：邊個食糊、幾多番、出銃定自摸，撳兩下就記低。全銃、起糊番數、滿糊上限、辣上照你哋嘅枱規設定，每鋪嘅錢自動計出嚟。詐糊、一炮多響、包自摸呢啲特殊情況都有得記，記錯仲可以還原上一鋪。

打完埋單，成晚條數自動入簿，唔使自己加加減減。

一晚打完先記總數

唔係每枱都想逐鋪記。打完成晚，直接入每人贏咗幾多、輸咗幾多都得。條數唔平衡（唔係零和）根本入唔到簿，所以唔會計漏數，唔會爭拗。

自動排行榜

每記完一晚，排行榜即刻更新：邊個係成個雀局嘅長期贏家、邊個長期科水，一眼睇晒，唔使自己開Excel計。

長期戰績

走勢圖一人一條線，邊個近排狀態好、邊個跌緊落去清清楚楚。仲有對戰紀錄，睇到邊個剋邊個。逐晚紀錄永遠留喺度，可以改、可以刪、可以隨時翻查。

同雀友share

房間號碼就係地址，條link貼一次，成班人喺自己電話都睇到同一本簿。唔使個個download App，唔使夾大家登記。條link要當鎖匙咁看待：房間唔會公開列出，搜尋器亦唔會收錄。

常見問題

你哋枱打嘅係台牌？睇港式台牌計分，拉數、莊番嗰套另有一頁講。